ایس او پیز کی خلاف ورزی، 24 گھنٹوں میں 963 مارکیٹیں اور 18 انڈسٹریل یونٹس سیل


اسلام آباد : نیشنل کمانڈ اینڈ آپریشن سینٹر کا کہنا ہے کہ ایس او پیز کی خلاف ورزی پر 24 گھنٹوں کے دوران میں 963 مارکیٹ، دکانیں اور 18 انڈسٹریل یونٹس سیل و جرمانے عائد کردیئے گئے۔

تفصیلات کے مطابق نیشنل کمانڈ اینڈ آپریشن سینٹر نے ایس او پیز کی خلاف ورزی کے حوالے سے اعدادو شمار جاری کردیئے،24 گھنٹےمیں 963 مارکیٹ، دکانیں، 18 انڈسٹریل یونٹس سیل و جرمانے عائد کئے گئے جبکہ ملک بھر میں 1186 ٹرانسپورٹرز کو جرمانے کئے گئے۔

این سی او سی کا کہنا ہے کہ ملک بھر کے مخصوص علاقوں میں اسمارٹ لاک ڈاؤن جاری ہے، پنجاب میں904اسمارٹ لاک سے920768 آبادی ، سندھ میں 26اسمارٹ لاک ڈاؤن سےڈیڑھ لاکھ آبادی اور کےپی میں 572لاک ڈاؤن سے67 ہزارآبادی کو کنٹرول کیا گیا۔

این سی او سی کے مطابق اسلام آبادمیں 10لاک ڈاؤن سے60 ہزار آبادی ، گلگت بلتستان میں 5 لاک ڈاؤن سے15ہزارآبادی کو کنٹرول کیا گیا۔

بریفنگ میں بتایا گیا کہ 24 گھنٹےمیں اسلام آباد میں ایس او پیز کی 85 خلاف ورزیاں رپورٹ ہوئیں ، جس کے نتیجے میں 64 دکانیں سیل، 10 گاڑیوں کو جرمانے کئے گئے۔

این سی او سی میں اجلاس کے دوران کہا گیا 24 گھنٹےمیں آزادکشمیر میں ایس او پیز کی 804 خلاف ورزیاں سامنے آئیں، جس پر 93 مارکیٹ، دکانیں سیل، 333 گاڑیوں پر جرمانے عائد کیے گئے جبکہ گلگت بلتستان میں ایس او پیز کی 170 خلاف ورزیاں رپورٹ ہوئیں اور 27 مارکیٹ و دکانیں سیل، 29 ٹرانسپورٹرزپر جرمانے کئے گئے۔

بریفنگ کے مطابق 24 گھنٹے میں کے پی میں ایس او پیز کی 5420 خلاف ورزیوں پر 157 مارکیٹ، دکانیں سیل اور 102 ٹرانسپورٹرز کو جرمانے عائد کئے گئے جبکہ پنجاب میں ایس او پیز کی 2448 خلاف ورزیوں پر 523 مارکیٹ، دکانیں،13 انڈسٹریزکو جرمانے رپورٹ ہوئے۔

اسی طرح 24 گھنٹےمیں سندھ میں ایس او پیز کی 900 خلاف ورزیاں رپورٹ سامنے آئیں ، جس کے نتیجے میں 72 مارکیٹ، دکانیں، 5 انڈسٹریز سیل، 9 گاڑیوں کو جرمانے عائد کئے گئے۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles