پاکستان کے سیاسی نقشے نے واضح کردیا کہ کشمیر ہمارا ہے، شاہ محمود قریشی


اسلام آباد : وزیر خارجہ نے کشمیر  سے متعلق کہا ہے کہ بھارت نے سلامتی کونسل سے کیا ہوا وعدہ پورا نہیں کیا۔

تفصیلات کے مطابق وزیر خارجہ شاہ محمود قریشی کا کہنا ہے کہ وزیراعظم عمران خان کی حکومت نے کشمیر کی آواز عالمی سطح پر اٹھائی، انشا اللہ کشمیر بنے گا پاکستان۔

انہوں نے کہا کہ بھارت نے سلامتی کونسل سے کیا ہوا وعدہ پورا نہیں کیا، پاکستان کے سیاسی نقشے نے واضح کردیا کہ کشمیر ہمارا ہے۔

وزیر خارجہ کا کہنا تھا کہ عمران خان کی حکومت نے کشمیر کی آواز عالمی سطح پر اٹھائی، کشمیر کو بھارت کے قبضے سے آزاد کروائیں گے۔

اس سے قبل وزیرخارجہ شاہ محمود قریشی نے مقبوضہ کشمیر میں بھارت کے ظالمانہ اقدامات کا ایک سال مکمل ہونے پر سیکیورٹی کونسل کو خط لکھ کر بھارت کی انسانی حقوق کی خلاف ورزیوں سے آگاہ کیا تھا۔

خط کے متن میں کہا گیا کہ بھارت کشمیر میں آبادی کا تناسب تبدیل کرنے کی کوشش کر رہا ہے،بھارت نے جنگ بندی معاہدے کی خلاف ورزیوں کا سلسلہ تیز کر دیا۔

خط میں کہا گیا ہے کہ بھارتی اقدامات سے علاقائی وعالمی امن کو خطرات لاحق ہیں، مقبوضہ کشمیر میں فوجی محاصرہ،انٹرنیٹ وکمیونیکیشن بلیک آؤٹ جاری ہے۔

واضح رہے کہ گزشتہ سال 5 اگست کے یک طرفہ ظالمانہ اور غیر قانونی بھارتی اقدام کو ایک سال مکمل ہونے پر مقبوضہ کشمیر، آزاد کشمیر اور پاکستان میں آج ”یوم استحصال“ منایا جا رہا ہے، اس سلسلے میں آج پورے پاکستان میں ایک منٹ کی خاموشی اختیار کی جائے گی، اور دنیا بھر میں مودی سرکار کی طرف سے مقبوضہ کشمیر کی خصوصی حیثیت ختم کرنے کی مذمت اور مظلوم کشمیریوں سے اظہار یک جہتی کیا جائے گا۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles