مودی نے مقبوضہ کشمیر کو اندھا کنواں بنایا ہوا ہے، نور الحق قادری


اسلام آباد: وفاقی وزیر برائے مذہبی امور نور الحق قادری کا کہنا ہے کہ مودی نے مقبوضہ کشمیر کو اندھا کنواں بنایا ہوا ہے۔

اے آر وائی نیوز کی رپورٹ کے مطابق وفاقی وزیر مذہبی امور نور الحق قادری نے بین المذاہب کانفرنس سے خطاب کرتے ہوئے کہا کہ آج پاکستانی قوم کشمیر کے ساتھ یکجہتی کا اظہار کررہی ہے، مقبوضہ کشمیر میں نہ کوئی آواز آسکتی ہے نہ جاسکتی ہے، مودی سرکار ایک سال سے کشمیریوں پر مظالم ڈھا رہی ہے۔

انہوں نے کہا کہ دلوں کو جوڑنے کا کام ایک نیکی کا کام ہے، انتظامیہ نے بین المذاہب کانفرنس کا اہتمام کرکے نیکی کمائی ہے، انسانیت اور مذہب کا جو رشتہ ہے وہ عمل اور سلامتی کی بات کرتا ہے۔

نور الحق قادری نے کہا کہ انسان کے دل اور دلداری کی بات اور امن کی بات اسلام نے کی ہے، معیشت کی بہتری اور امن کا پیغام ہی سلامتی ہے، تمام مذاہب نے امن اور سلامتی کی بات کی ہے۔

مزید پڑھیں: کشمیرجلد آزاد ہوگا، سید علی گیلانی کو نشان پاکستان دیں گے، عمران خان

وفاقی وزیر نے کہا کہ مذاہب کبھی بھی لڑانے کی بات نہیں کرتے، مودی سرکار کشمیریوں پر مظالم ڈھا رہی ہے، کشمیر ہماری شہہ رگ ہے۔

واضح رہے کہ اس سے قبل وزیر اعظم نے کہا تھا کہ5 اگست2019 کو مودی نے بہت بڑی غلطی کی،اس اقدام کے بعد کشمیریوں کی آزادی قریب ہے، وزیراعظم عمران خان نے حریت رہنما سید علی گیلانی کو نشان پاکستان دینے کااعلان کرتے ہوئے کہا کہ سید علی گیلانی کونشان پاکستان اعزاز سے نوازیں گے۔

عمران خان کا کہنا تھا کہ5اگست 2019کو نریندر مودی نے جو قدم اٹھایا وہ اسٹریٹجک بلنڈر ہے، مودی نے پاکستان کی نفرت اور ہندو کارڈ کی بنیاد پر الیکشن جیتا تھا کشمیریوں کی جدوجہد کے نتیجے میں کشمیر آزاد ہوگا۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles