پنجاب کو ذاتی جاگیر سمجھنے والوں نے کرپشن کی حدود عبور کیں،سیف اللہ نیازی –


لاہور: چیف آرگنائزر پی ٹی آئی سیف اللہ نیازی نے کہا ہے کہ پنجاب کو ذاتی جاگیر سمجھنے والوں نے کرپشن کی حدود عبور کیں۔

تفصیلات کے مطابق وزیر اعلیٰ پنجاب اور چیف آرگنائزر پی ٹی آئی سیف اللہ نیازی کے درمیان ملاقات ہوئی جس میں سیاسی صورتحال، انتظامی معاملات سمیت تنظیمی امور اور فلاح عامہ کے منصوبوں پر بھی بات چیت کی گئی۔

اس موقع پر وزیراعلیٰ پنجاب کا کہنا تھا کہ وزیراعظم کی قیادت میں عوامی خدمت کا سفر تیزی سے آگے بڑھائیں گے۔

سردار عثمان بزدار کا کہنا تھا کہ پروپیگنڈا کرنے والے عناصر پہلے کی طرح اب بھی ناکام رہیں گے، منفی سیاست کا جواب عوامی خدمت سے دیں گے۔

دوسری جانب سیف اللہ نیازی کا کہنا تھا کہ صوبے کو ذاتی جاگیر سمجھنے والوں نے کرپشن کی حدود عبور کیں، اسٹیٹس کو پنجاب میں سیاسی عدم استحکام کو ہوا دینا چاہتا ہے۔

چیف آرگنائزر پی ٹی آئی کا کہنا تھا کہ سیاسی بیروزگاروں کو پنجاب کو تختہ مشق بنانے کی اجازت نہیں دیں گے،سیاسی شرارتوں کا ڈٹ کر مقابلہ اور بھرپور جواب دیں گے۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles