پاکستان اور یو اے ای حکام کی آج اہم ملاقات، بے روزگار ہونے والے پاکستانیوں کا معاملہ اٹھایا جائے گا


اسلام آباد : اوورسیزپاکستانی محنت کشوں کے مسائل کے حل کیلئے پاکستان اورمتحدہ عرب امارات کے حکام کے درمیان اہم ملاقات آج ہو گی، جس میں کورونا وباکے دوران بے روزگار ہونے والے پاکستانیوں کا معاملہ اٹھایا جائے گا۔

تفصیلات کے مطابق اوورسیزپاکستانی محنت کشوں کے مسائل کے حل کیلئے حکومتی کوششیں تیز کردی گئی ، پاکستان اورمتحدہ عرب امارات کے حکام کے درمیان اہم ملاقات آج ہو گی۔

وزیراعظم کےمعاون خصوصی زلفی بخاری اہم دورے پر یو اےای میں موجود ہیں ، زلفی بخاری کی یو اے ای وزیرافرادی قوت نصیربن ثانی سے کچھ دیر میں ملاقات ہو گی۔

ملاقات میں یو اے ای میں مقیم پاکستانیوں کو درپیش مسائل کو حل کرنے پر مشاورت ہوگی اور کورونا وباکے دوران بے روزگار ہونے والے پاکستانیوں کا معاملہ اٹھایا جائے گا

دوران ملاقات بے روزگارپاکستانی مزدوروں کی ملازمتوں پر دوبارہ بحالی پر بھی گفتگو ہوگی۔

اپنے دورے کے دوران زلفی بخاری پاکستانی قونصلیٹ کا دورہ کریں گے جبکہ سفارتخانے کے حکام اور کرونا کی صورتحال میں متحرک کردار ادا کرنے والی پاکستانی کمیونٹی سے ملاقاتیں کریں گے۔

زلفی بخاری کرونا وائرس کے دوران کمیونٹی کو بھرپور تعاون فراہم کرنے پر خراج تحسین پیش کریں گے جبکہ اوور سیز پاکستانیوں کی آسانیوں کے لیے مختلف تجاویز پر بھی مشاورت کی جائے گی۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles