خدمت کا عزم، کرونا کا مفت ٹیسٹ، ARY نیٹ ورک نے اعلیٰ معیار کی ٹیسٹنگ کٹس درآمد کرلیں


اے آر وائی نیٹ ورک کے صدر اور چیف ایگزیکٹیو آفیسر (سی ای او) سلمان اقبال نے بہترین کرونا کی ٹیسٹ کٹس ہزاروں کی تعداد میں درآمد کرلیں جن کی مدد سے ضرورت مند افراد کے مفت ٹیسٹ کیے جائیں گے۔

کرونا کے بحران میں ملک اور قوم کی خدمت کا عزم رکھنے والے اے آر وائی نیٹ ورک کے صدر اور سی ای او سلمان اقبال نے وعدے کے مطابق عالمی معیار کی  30 ہزار ٹیسٹنگ کٹس درآمد کرلیں جن کی مدد سے مفت کرونا کی تشخیص کے مفت ٹیسٹ کیے جائیں گے۔

اے آر وائی نیٹ ورک کے صدر اور سی ای او سلمان اقبال نے انڈس اسپتال کے سربراہ ڈاکٹر باری سے ٹیلی فون پر رابطہ کیا اور ڈرائیو تھرو ٹیسٹنگ کے حوالے سے گفتگو کی۔

اے آر وائی ان کٹس کا بڑا حصہ مہم میں شریک انڈس اسپتال سمیت شہر کے دیگر اسپتالوں کو مفت فراہم کرے گا۔ مہم کے اگلے مرحلے میں اے آر وائی گروپ مزید کٹس حاصل کرے گا تاکہ بحران میں اپنے حصے کی مشعل روشن رکھی جاسکے۔

مزید پڑھیں: 20 ہزار طبی حفاظتی ڈریس ڈاکٹرز اور طبی عملے کو فراہم کیے جائیں گے، سلمان اقبال

اے آر وائی نیٹ ورک بذریعہ نشریات اور دیگر پلیٹ فارم کو استعمال کرتے ہوئے قوم میں  کرونا سے متعلق آگاہی فراہم کرے گا۔کرونا بحران میں ملک و قوم کی خدمت کی اس مہم کا اہم ترین اور دوسرا مرحلہ بھی شروع ہونے جارہا ہے۔

اس ضمن میں اے آر وائی نیٹ نے عالمی معیار کی مستند کٹس درآمد کیں ہے جن کے ذریعے 30 ہزار سے زائد افراد کا ٹیسٹ اور ہاٹ اسپاٹس کی شناخت ممکن ہوسکے گی۔

ایبٹ کے مقامی ڈسٹری بیوٹر مسعود احمد کا کہنا تھا کہ ’اے آر وائی نے جس اعلی معیار کی کٹس حاصل کی ہیں اُن کی مدد سے ہونے والے ٹیسٹ کے ذریعے چند منٹوں میں یہ بات سامنے آسکتی ہے کہ مریض کرونا سے متاثر ہوچکا ہے یا اس کی اینٹی باڈیز بن چکی ہیں‘۔

اُن کا کہنا تھا کہ ’ان کٹس کے 95 فیصد نتائج درست ہوتے ہیں، اے آر وائی نیٹ ورک کے توسط سے اعلیٰ معیار کٹس کی پہلی کھیپ ہی پاکستان پہنچی ہے‘۔

یہ بھی پڑھیں: اے آر وائی ڈیجیٹل نیٹ ورک 20ہزار کورونا ٹیسٹنگ کٹس عطیہ کرے گا، سی ای او سلمان اقبال

اے آر وائی گروپ اپنی مہم کے دوران انڈس سمیت دیگر اسپتالوں کو بھی یہ کٹس مفت  فراہم  کرے گا جن کی مدد سے اسپتالوں سمیت مختلف علاقوں میں کرونا کی تشخیص کے ٹیسٹ کیے جائیں گے۔

اے آر وائی نیٹ ورک کے صدر اور سی ای او سلمان اقبال نے مہم کے اگلے مرحلے میں مزید ٹیسٹ منگوانے کا بھی اعلان کیا۔ یاد رہے کہ پاکستان میں کرونا کے کیسز رپورٹ ہونا شروع ہوئے تو سب سے پہلے اے آر وائی نیٹ ورک کے صدر اور سی ای او سلمان اقبال نے طبی عملے میں حفاظتی (پی پی) کٹس تقسیم کیں اور ٹیسٹنگ کٹس دینے کا اعلان کیا تھا۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles