رؤف حسن وزیراعظم کے معاونِ خصوصی برائے اطلاعات و نشریات مقرر –


اسلام آباد: رؤف حسن کو وزیر اعظم کا معاونِ خصوصی برائے اطلاعات و نشریات مقرر کردیا گیا۔

اے آر وائی نیوز کی رپورٹ کے مطابق وزیراعظم عمران خان کی میڈیا ٹیم میں رؤف حسن کو اہم ذمہ داری دے دی گئی، انہیں معاونِ خصوصی برائے انفارمیشن مقرر کردیا گیا۔

کابینہ ڈویژن کی جانب سے جاری ہونے والے نوٹی فکیشن کے مطابق  رؤف حسن کی تعیناتی اعزازی ہے۔

واضح رہے کہ عاصم سلیم باجوہ کےمستعفی ہونے پر معاون خصوصی برائےاطلاعات کا عہدہ خالی ہوا تھا، جس پر اب رؤف حسن کو تعینات کیا گیا ہے۔

مزید پڑھیں: نواز شریف کے پرنسپل سیکرٹری کے بھائی کو معاون خصوصی برائے انفارمیشن بنائے جانے کا امکان

یاد رہے کہ رؤف حسن، سابق وزیراعظم نواز شریف کے پرنسپل سیکرٹری فواد حسن فواد کے بھائی ہیں، اُن کے خلاف گزشتہ دنوں نیب نے نئے ریفرنس کی منظوری بھی دی ہے۔

یہ بھی یاد رہے کہ معاونِ خصوصی برائے اطلاعات و نشریات عاصم سلیم باجوہ نے گزشتہ دنوں وزیراعظم کو اپنی استعفیٰ پیش کیا تھا، عمران خان نے استعفے کو منظور نہ کر کے عاصم سلیم باجوہ کو کام جاری رکھنے کی ہدایت کی تھی۔

بعد ازاں وزیراعظم نے عاصم سلیم باجوہ کی درخواست پر اُن کا استعفیٰ منظور کیا۔

Comments



سب سے زیادہ پڑھی جانے والی خبریں
loading...

Related Articles