کیا صبا قمر نے گلوکار بلال سعید سے شادی کرلی؟


پاکستانی ڈرامہ انڈسٹری کی معروف اداکارہ صبا قمر نے سماجی رابطے کی ویب سائٹ انسٹاگرام پر تصویر شیئر کی جس پر مداح حیران رہ گئے۔

تفصیلات کے مطابق پاکستانی ڈرامہ انڈسٹری کی معروف اداکارہ صبا قمر سوشل میڈیا پر کافی متحرک نظر آتی ہیں، صبا قمر خوبصورت فوٹو شوٹ اور کام سے متعلق تصویریں مداحوں سے شیئر کرتی رہتی ہیں۔

صبا قمر کی جانب سے شیئر کی گئی ان تصاویر کو مداحوں کی جانب سے بھی خوب سراہا جاتا ہے۔

اداکارہ نے سماجی رابطے کی ویب سائٹ انسٹاگرام پر تصویر شیئر کی جس میں وہ گلوکار بلال سعید کے ہمراہ مسجد کے سامنے کھڑی ہیں، کیپشن میں صبا نے لکھا کہ ’قبول ہے۔‘

گلوکار بلال سعید نے بھی یہی تصویر اسی کیپشن کے ساتھ شیئر کی جس میں لکھا تھا ’قبول ہے۔‘

صبا قمر کی تصویر سوشل میڈیا پر وائرل ہوگئی اور مداحوں نے انہیں شادی کی مبارکباد دینے کا سلسلہ شروع کردیا، ماڈل نادیہ حسین نے بھی صبا کو مبارک باد دی اور لکھا کہ ’امید کرتی ہوں میں غلط نہیں ہوں۔‘

بعدازاں صبا قمر نے پوسٹ کی وضاحت دیتے ہوئے کہا کہ ’وہ بلال سعید کے ساتھ بطور ہدایت کام کریں گی اور یہ تصویر ان کے آنے والے میوزک ویڈیو کی ہے۔‘ آپ لوگوں کے لیے چھوٹا سا سرپرائز جلد آنے والا ہے۔‘

واضح رہے کہ بلال سعید کی شادی جیا بلال سے ہوئی تھی اور ان کا ایک بیٹا احد بلال ہے۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles