امریکی صدر نے پولیس سے متعلق اہم حکم نامے پر دستخط کر دیے، گلا دبانے پر پابندی –


واشنگٹن: امریکی صدر ڈونلڈ ٹرمپ نے پولیس سے متعلق اہم ایگزیکٹو حکم نامے پر دستخط کر دیے، پولیس اہل کار کے لیے گلا دبانے پر پابندی ہوگی۔

تفصیلات کے مطابق امریکا میں سیاہ فام شہریوں کے ساتھ پولیس کے امتیازی سلوک کے مسلسل واقعات کے بعد ٹرمپ نے قانون نافذ کرنے والوں سے متعلق ایگزیکٹو حکم نامے پر دستخط کر دیے۔

صدر ٹرمپ نے پریس کانفرنس میں کہا کہ پولیس اہل کار کے لیے گلا دبانے پر پابندی ہوگی سوائے اس کے کہ افسر کی جان کو خطرہ ہو۔ انھوں نے کہا پولیس محکموں کو بدنام کرنے اور انھیں تحلیل کرنے کی کوششوں کی سختی سے مخالفت کرتا ہوں۔

امریکی میڈیا کے مطابق ٹرمپ کے دستخط شدہ حکم نامے میں طاقت کے بہترین طریقوں کے استعمال پر زور دیا گیا ہے، حکم نامے میں کہا گیا ہے کہ پولیس محکموں میں ذہنی صحت اور دیگر امور کے لیے ماہرین تعینات کیے جائیں، اور اعلیٰ پولیسنگ کے معیار کو برقرار رکھا جائے۔ حکم نامے میں یہ بھی کہا گیا ہے کہ قانون نافذ کرنے والے اداروں میں احتساب کو فروغ دیا جائے اور پولیس افسران کو تعمیری کمیونٹی سروس کی تربیت دی جائے۔

متعصب امریکی پولیس باز نہ آئی، ایک اور سیاہ فام ہلاک، پولیس چیف مستعفی

قوانین میں اصلاحات کے حکم نامے پر دستخط کے بعد صدر ٹرمپ نے پریس کانفرنس میں کہا قانون کے بغیر انتشار اور سیکورٹی کے بغیر تباہی مچ سکتی ہے، محکمہ انصاف پولیس محکموں کو گرانٹ فراہم کرے گا۔ صدر ٹرمپ نے امریکی پولیس کی بھرپور حمایت کرتے ہوئے کہا پولیس سروس کا ملک میں اعلیٰ ترین پیشہ ورانہ معیار ہے، تمام امریکیوں کے لیے امن، وقار اور مساوات کو یقینی بنانے کے لیے ہم متحد ہیں۔

ٹرمپ نے بتایا کہ انھوں نے سفید فاموں کے ہاتھوں ہلاک احمد آربیری کے اہل خانہ سےملاقات کی ہے، نفرت اور تعصب کا نشانہ بننے والے دیگر افراد کے خاندانوں سے بھی ملاقات کی، تمام امریکی ان تمام خاندانوں کے ساتھ غم میں برابر کے شریک ہیں، آپ کے پیاروں کی جان رائیگاں نہیں جائے گی۔

دریں اثنا، امریکا میں قانون نافذ کرنے والوں کی تنظیم ایف او پی نے ٹرمپ کے حکم نامے پر رد عمل دیتے ہوئے کہا ہے کہ اس حکم نامے کی موجودہ دور میں بہت ضرورت تھی، حکم نامے سے عوام اور افسران محفوظ ہوں گے۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles