سعودی شہر جدہ نے منفرد اعزاز حاصل کرلیا –


ریاض: سعودی شہر جدہ نے تفریح کے لحاظ سے منفرد اعزاز حاصل کرلیا، شہر میں سب سے زیادہ واکنگ ٹریکس ہیں جن پر بچے، جوان، خواتین اور بزرگ سب ہی چہل قدمی کرتے نظر آتے ہیں۔

سعودی ویب سائٹ کے مطابق جدہ نے چہل قدمی کی سہولتوں سے آراستہ شہر ہونے کا اعزاز حاصل کرلیا، شہر میں 49 کلو میٹر طویل واکنگ ٹریک ہیں۔

جدہ شہر میں 23 واکنگ ٹریکس قائم ہیں جن پر بچے، جوان، خواتین اور بزرگ سب ہی چہل قدمی کرتے نظر آتے ہیں۔

شام کے وقت فیملیز چہل قدمی کے لیے واکنگ ٹریکس پر نظر آتی ہیں جبکہ صبح سویرے بھی بڑی تعداد میں لوگ ورزش اور چہل قدمی کرتے ہوئے نظر آتے ہیں۔

جدہ واٹر فرنٹ کا واکنگ ٹریک سب سے طویل ہے۔ یہ 4 ہزار 500 میٹر طویل اور 10 میٹر چوڑا ہے، دوسرے نمبر پر امیر فواز محلے کا واکنگ ٹریک آتا ہے۔ یہ بھی اتنا ہی طویل ہے البتہ اس کی چوڑائی 15 میٹر ہے۔

چوڑائی کے حوالے سے شہزادہ فیصل بن فہد اسٹریٹ کا واکنگ ٹریک سب سے بڑا ہے، اس کی چوڑائی 25 تا 75 میٹر ہے، تیسرے نمبر پر الرحاب محلے کا واکنگ ٹریک آتا ہے، جس کی چوڑائی 24 سے 42 میٹر کے لگ بھگ ہے۔

تمام واکنگ ٹریکس تمام سہولتوں سے آراستہ ہیں، یہاں واش رومز بھی موجود ہیں جبکہ صفائی کا بہترین انتظام ہے۔ بیٹھنے کے لیے بینچز نصب ہیں۔ نماز کے لیے مصلے بنے ہوئے ہیں۔

ٹریکس پر آئس کریم اور فوڈ ٹرکس بھی کھڑے ہوتے ہیں جبکہ سیکیورٹی کے لیے پولیس پیٹرولنگ کرتی رہتی ہے، واکنگ ٹریک میں مختلف رنگوں سے رہنما علامتیں بنی ہوئی ہیں۔

یہاں سائیکل سواروں کے ٹریک الگ ہیں، آنے جانے والوں کے لیے پارکنگ کا بھی بہترین انتظام ہے۔ سعودی اور مقیم غیر ملکی یہاں آتے وقت کھانے پینے کا سامان بھی ساتھ لاتے ہیں اور کسی ایک جگہ بیٹھ کر فیملی کے ساتھ ڈنر کا شوق بھی پورا کرتے ہیں۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles