ترکی کا آذربائیجان کی مکمل حمایت کا اعلان


انقرہ: آذربائیجان اور آرمینیا کے درمیان جھڑپوں کا سلسلہ جاری ہے ایسے میں ترکی نے آذربائیجان کی مکمل حمایت کا اعلان کیا ہے۔

غیرملکی خبررساں ادارے کی رپورٹ کے مطابق ترکی نے آذربائیجان کی مکمل حمایت کا اعلان کردیا، واضح رہے کہ آذربائیجان اور آرمینیا کے درمیان سرحدی علاقے ناگورنوقرہباخ میں جھرپوں کے دوران اب تک 100 سے زائد افراد ہلاک ہوچکے ہیں۔

ترک صدر رجب طیب اردوان نے آرمینیا کے ساتھ جاری کشیدگی میں آذربائیجان کی مکمل حمایت کا اعلان کرتے ہوئے کہا کہ دنیا کی جارحیت کا نشانہ بننے والے ملک کے ساتھ کھڑا ہونا چاہئے۔

ترک صدر نے آذربائیجان کے صدر الہام علیوف سے فون پر گفتگو کرتے ہوئے انہیں اپنی مکمل حمایت کا یقین دلایا۔

دوسری جانب دونوں ممالک کے درمیان جھڑپوں سے عام لوگوں کی ہلاکت کی بھی اطلاع ہیں، صورتحال پر غور و خوص کے لیے سلامتی کونسل کا بند کمرا اجلاس منعقد ہونے کا امکان ہے۔

مزید پڑھیں: ترکی نے ہمارا لڑاکا طیارہ مار گرایا، آرمینیا کا الزام، ترکی کی تردید

علاوہ ازیں آرمینیا نے ترکی پر آرمینیا کی سرحدی حدود میں داخل ہوکر اس کا لڑاکا طیارہ مار گرانے کا الزام لگایا ہے، ترک حکام کی جانب سے الزام کی تردید کی گئی ہے۔

یاد رہے کہ دونوں ممالک کے درمیان تین روز پہلے شروع ہونے والی جھڑپ مزید علاقوں تک پھیل چکی ہے، آرمینیا اور آذربائیجان کے متعدد علاقوں میں تاحال مارشل لاء نافذ ہے، روس سمیت متعدد ملکوں نے فوری جنگ بندی کا مطالبہ کیا ہے۔

Comments



سب سے زیادہ پڑھی جانے والی خبریں
loading...

Related Articles