پی آئی اے کے پرانے ڈیوٹی اوقات کار بحال، بائیو میٹرک سسٹم فعال –


کراچی: پاکستان انٹرنیشنل ایئرلائن (پی آئی اے) نے ملازمین کے ڈیوٹی اوقات کار میں تبدیلی کا اعلان کردیا۔

نمائندہ اے آر وائی نیوز کے مطابق پی آئی اے کی انتظامیہ نے ملازمین کی حاضری کے لیے نصب کیے گئے بائیو میٹرک سسٹم کو معطل کردیا تھا مگر اب اُسے فعال کردیا گیا ہے۔

پی آئی اے کا بائیو میٹرک سسٹم یکم اگست سے فعال ہوگیا ہے جس کے بعد ملازمین کو دفتر آنے اور جانے کے لیے اپنی حاضری لازمی لگانی ہوگی۔

پی آئی اے کی جانب سے جاری نوٹی فکیشن کے مطابق وفاق کی ہدایت پر پی آئی اے ملازمین کے اوقات کار میں بھی تبدیلی کردی گئی ہے، ملازمین پیر سے جمعہ صبح 9 سے شام ساڑھے پانچ بجے تک ڈیوٹی انجام دیں گے۔

عام دنوں میں نماز، دوپہر کے کھانے کے لیے ایک سے دیڑھ گھنٹے کا وقفہ دیا جائے گا جبکہ جمعے کو ایک بجے سے ڈھائی بجے تک نماز اور لنچ بریک ہو گا۔

یاد رہے کہ پی آئی اے نے کرونا کے باعث دفاتر میں ملازمین کی تعداد کو کم کر کے انہیں گھروں سے کام کرنے کی ہدایت کی تھی جس کے بعد 13 مارچ سے بائیو میٹرک سسٹم کو معطل کردیا گیا تھا۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles