کراچی کے مسائل کو سمجھنا ضروری ہے تب ہی حل نکلے گا، لیفٹیننٹ جنرل محمد افضل –


اسلام آباد: نیشنل ڈیزاسٹر منیجمنٹ اتھارٹی (این ڈی ایم اے) کے چیئرمین لیفٹیننٹ جنرل محمد افضل نے کہا ہے کہ کراچی میں 7 سے 9 اگست تک بارش کا امکان ہے، شہر قائد کے مسائل کو حل کرنے کے لیے انہیں سمجھنا ضروری ہے۔

نمائندہ اے آر وائی نیوز کے مطابق چیئرمین این ڈی ایم اےمحمدافضل نے کراچی کی صورت حال پر اسلام آباد میں میڈیا کو بریفنگ دی اور بتایا کہ کراچی میں گزشتہ دنوں ایک گھنٹے میں 83 ملی میٹر بارش ہوئی، وزیراعظم کی ہدایت پر جب کراچی پہنچا تو اُس وقت تک پانی کی نکاسی ہوچکی تھی۔

اُن کا کہنا تھا کہ کراچی کے مسائل کو سمجھنے کی ضرورت ہے تب ہی مسئلہ حل ہوگا، شہر میں روزانہ 20 ہزار ٹن کچرا پیدا ہوتا ہے جس کو ٹھکانے لگانے کا کوئی انتظام موجود نہیں جبکہ ندی نالوں پر ناجائز تعمیرات ہوچکی ہیں۔

لیفٹیننٹ جنرل محمد افضل کا کہنا تھا کہ کراچی کے بڑے نالوں کی صفائی کی ذمہ داری این ڈی ایم اے کے سپرد کی گئی ہے، کراچی کے مسائل کو حل کرنے کے لیے وفاقی اور صوبائی حکومتوں کو ایک ساتھ مل کر بیٹھنا ہوگا تاکہ کوئی دیرینہ حل نکل سکے کیونکہ وقتی  طور پر کیے جانے والے اقدامات سے شہریوں کو ریلیف تو ملے گا مگر مسائل جوں کے توں رہیں گے۔

چیئرمین این ڈی ایم اے کا کہنا تھا کہ کراچی میں ہونے والی بارش سے نقصانات ہوئے جس پر افسوس ہے، کچھ روز پہلے ہونے والی برسات سے چند علاقے متاثر ہوئے، اب ہم ایسا کام کریں گے کہ شہر میں ہونے والی بارشوں سے کم سے کم نقصان ہوگا، کراچی میں این ڈی ایم اے نے اپنا کام شروع کردیا ہے۔

اُن کا مزید کہنا تھا کہ کراچی کےلئے 6 دن بڑےاہم ہیں، 7 سے 9 اگست تک بارش کا امکان ہے، اُس کے بعد 15 اگست تک ایک اور کمزور سسٹم حدود میں موجود رہے گا، جو وقتاً فوقتاً برستا رہے گا، اُس کے بعد بارش زیادہ نہیں ہوگی۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles