گوتم گھمبیر کو رافیل طیاروں کی تصویر شیئر کرنا مہنگا پڑ گیا


کراچی: سابق بھارتی کرکٹر اور موجودہ سیاست دان گوتم گمبھیر کو رافیل طیاروں کی تصویر شیئر کرنا مہنگا پڑ گیا۔

اے آر وائی نیوز کی رپورٹ کے مطابق سابق بھارتی کرکٹر اور موجودہ سیاست دان گوتم گھمبیر نے سماجی رابطے کی ویب سائٹ ٹویٹر پر رافیل طیاروں کی تصویر شیئر کی تو عالمی شہرت یافتہ آسٹریلوی صحافی اور سوشل میڈیا صارفین نے انہیں ابھی نندن کی یاد دلادی۔

گوتم گھمبیر نے رافیل طیاروں کی تصویر ٹویٹ کرتے ہوئے لکھا کہ ’بڑے پرندے بھارت پہنچ گئے ہیں۔‘ گھمبیر سوشل میڈیا پر تصویر شیئر کرکے مذاق کا نشانہ بن گئے۔

آسٹریلوی صحافی ڈینس فریڈمین نے لکھا کہ ’خبردار طیاروں کو سرحد عبور نہ کرنے دیں ورنہ جادو سے یہ ملبے کا ڈھیر بن جائیں گے۔

ایک صارف نے شاہ رخ خان کی غمزہ تصویر شیئر کی اور لکھا کہ ’رافیل خریدنے کے بعد جب سمجھ آئے کہ آپ کے پاس پائلٹ ابھی نندن جیسے ہیں۔‘

ایک اور صارف نے لکھا کہ فرانس سے طیارے تو لے لو گے لیکن حسن صدیقی اور نعمان علی کہاں سے لاؤ گے۔‘

سوشل میڈیا صارف نے بھارتی پائلٹس کی تصویر بھی شیئر کی اور سوال کیا کہ ’یہ رافیل پائلٹس ہیں یا ٹرک ڈرائیورز؟۔‘

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles