’نازی ہٹلر اور مودی حکومت کی پالیسی یکساں ہیں‘ –


اسلام آباد: وزیراعظم کے معاونِ خصوصی برائے قومی سلامتی ڈاکٹر معید یوسف نے کہا ہے کہ پاکستان کی مؤثر سفارت کاری کی وجہ سے کشمیر کی صورت حال دنیا میں اجاگر ہوئی، تاریخ دیکھیں تو نازی ہٹلر اور مودی حکومت کی پالیسی یکساں ہیں۔

اسلام آباد میں سیمینار سے خطاب کرتے ہوئے وزیراعظم کے معاونِ خصوصی معید یوسف کا کہنا تھا کہ ’بین الاقوامی میڈیا نے بھارتی حکومت کو فاشسٹ قرار دیا ہے، پاکستان  کی مؤثرسفارت کاری سےکشمیرکی صورتحال دنیامیں اجاگرہوئی‘۔اُن کا کہنا تھا کہ ’اگر ہم تاریخ اٹھاکردیکھیں تونازی ہٹلر اور مودی  حکومت کی پالیسیاں یکساں ہیں۔

معاون خصوصی کا کہنا تھا کہ بھارت مقبوضہ کشمیر میں کرونا وبا سے نمٹنےکیلئےعلاج فراہم کرنےکا پابندہے، کشمیر کا ہر باشندہ بھارت سےسخت نفرت کرتاہے۔

ڈاکٹر معید یوسف نے کہا کہ ’عالمی برادری  کشمیر میں ہونے والی انسانی حقوق خلاف ورزیوں پرآنکھیں بندکیےہوئے ہے جبکہ دوسری طرف بھارت دعوے کررہا ہے کہ مقبوضہ کشمیر کے حالات معمول کے مطابق ہیں،  اگر ایسا ہے کہ کٹھ پتلی حکومت مقبوضہ وادی میں عالمی میڈیا کو داخل کیوں نہیں ہونے دیتی۔

مزید پڑھیں: 5 اگست کشمیریوں سے اظہار یکجہتی کے سلسلے میں چیئرمین سینیٹ کا بڑا فیصلہ

اُن کا کہنا تھا کہ مودی کی پالیسیوں کی وجہ سے بھارت کا چھوٹا سا ہمسائیہ ملک بھی بھارت کے خلاف کھڑا ہوگیا ہے۔ معید یوسف کا کہنا تھا کہ ’بھارت نے پاکستان میں قیدی بنائےگئے پائلٹ ابھینندن کو ہیروبناکر پیش کرنے کی کوشش کی مگر وہ اس میں بری طرح سے ناکام رہا‘۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles