بابر اعظم نے 8 سالہ مداح کی خواہش پوری کردی


ڈربی: قومی کرکٹ ٹیم کے کپتان بابر اعظم نے آٹھ سالہ مداح سامعہ افسر کی ملنے کی خواہش پوری کردی۔

تفصیلات کے مطابق قومی ٹی ٹوینٹی اور ون ڈے ٹیم کے کپتان بابر اعظم نے آٹھ سالہ مداح سامعہ افسر کی ملنے کی خواہش پوری کردی، سامعہ نے ٹیلی کانفرنس کے ذریعے انگلینڈ میں موجود بابر اعظم سے گفتگو کی۔

اسٹار بلے باز بابر اعظم نے سامعہ افسر کی بیٹنگ کی تعریف کرکے انہیں مزید خوش کردیا۔

بابر اعظم نے کہا کہ آپ مجھ سے بھی اچھی ڈرائیو کھیلتی ہیں، بابر اعظم نے سامعہ کو پل شاٹ کھیلنے کی ٹپس بھی دیں۔

ان کا کہنا تھا کہ سامعہ افسر سے ویڈیو لنک پر ملاقات کرکے بہت خوشی ہوئی، اتنی چھوٹی عمر میں سامعہ کی بیٹنگ کی صلاحتیں دیکھ کر حیران رہ گیا۔

بابر اعظم نے کہا کہ شائقین کھیل کا سب سے اہم حصہ ہیں کیونکہ شائقین اچھے یا برے ہر وقت میں کھلاڑیوں کی حوصلہ افزائی کرتے ہیں، انگلینڈ کے خلاف سیریز میں شائقین کی کمی کو ضرور محسوس کریں گے۔

واضح رہے کہ سامعہ اچھی آرٹسٹ بھی ہیں جس کا مظاہرہ انہوں نے بابر اعظم کا اسکیچ بنا کر کیا، بابر اعظم نے سامعہ سے دستخط والی شرٹ بھیجنے کا وعدہ بھی کیا۔

کپتان کی 8 سالہ مداح سامعہ افسر نے کہا کہ بابر اعظم کی سب سے بڑی پرستار ہوں، ان کی طرح نامور کرکٹر بننا چاہتی ہوں۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles