سیلفی کا جنون، دو لڑکیاں ندی میں جاگریں


نئی دہلی: بھارت میں سیلفی کا شوق دو طالبات کو مہنگا پڑ گیا، دونوں لڑکیاں سیلفی لیتے ہوئے ندی میں جاگریں۔

بھارتی میڈیا رپورٹس کے مطابق ریاست اترپردیش کے ضلع چھنڈ واڑہ میں افسوسناک واقعہ پیش آیا جہاں وہ لڑکیاں 8 لڑکیاں پکنک منانے کے لیے ندی پہنچی تھیں۔

رپورٹ کے مطابق دو لڑکیاں ندی کے قریب سیلفی لینے لگیں تو ان کا پاؤں پھسل گیا اور سیدھے ندی کے اندر جاگریں۔

سہیلیوں کو ندی میں گرتا دیکھ کر دیگر لڑکیاں خوفزدہ ہوگئیں کیونکہ ندی میں پانی کا بہاؤ بہت تیز تھا اور لڑکیاں وہاں کھڑی سارا منظر دیکھ رہی تھیں۔

پولیس انتظامیہ کی مدد سے لڑکیوں کو بچانے کے لیے ریسکیو آپریشن شروع کیا گیا، طویل جدوجہد کے بعد دونوں کو ندی سے باحفاظت نکال لیا گیا۔

واضح رہے کہ دنیا بھر میں خطرناک مقامات پر سیلفی لیتے ہوئے سیکڑوں لوگ اپنی زندگی گنوا چکے ہیں لیکن ان مقامات پر سیلفی لینے کا سلسلہ جاری ہے، لوگ اپنی جان کی پرواہ کیے بغیر سیلفی کے لیے کچھ بھی کرنے سے دریغ نہیں کرتے۔

fb-share-icon0

Tweet
20

Comments

comments



سب سے زیادہ پڑھی جانے والی خبریں
loading...

Related Articles